حسام حسن يعلق على عرض تدريب بيراميدز.. ويؤكد: "تعبت من التحكيم"

حرص حسام حسن، المدير الفني لنادي الاتحاد السكندري، على شكر لاعبيه على المجهود الذي بذلوه طوال اللقاء رغم النقص العددي بعد طرد رزاق سيسيه في الشوط الأول، وذلك بالرغم من هزيمة زعيم الثغر بهدفين دون رد، ضمن مباريات الجولة الثانية عشر في الدوري الممتاز.

وقال حسن، في تصريحات بعد المباراة : "الطرد فرق معانا كتير حتى لو بتلاعب فرقة عادية، كل الشغل اللي كنت مرتبه بتحاول ترتب غيره، والزمالك نادي كبير وعنده مجموعة مميزة من اللاعبين".

وأضاف : "عمار حمدي أدى بشكل جيد اليوم، وأمام المقاصة أيضا، وهو في المكان ده اشتغل فيه بشكل كويس، عمار بيؤدي في كل المراكز.. ولولا الأخطاء اللي حصلت الماتش كان هيتصعب على الزمالك".

وتابع حسن : "الاتحاد نادي كبير وأنا بشتغل بلعب على مكسب، بحب أحقق نتيجة إيجابية، الفرق الكبير لازم يكون فيها توازن دفاعي وهجومي.. والاتحاد لعب فرق كبيرة وقدم مباراة كبيرة، وأي تيم أنا بمسكه بحقق انتصارات معاه".

وعن أداء الحكم إبراهيم نور الدين في مباراة اليوم قال حسام حسن: "أنا تعبت من التعليق على التحكيم بصراحة قولوا اللي انتم عاوزين تقولوه".

وأردف : "محمد صبحي إضافة كبيرة وجاي من نادي كبير، هو نادي الزمالك هو مش بيلعب بالصدفة هو بيلعب بمجهوده وإمكانياته، عماد السيد مسحته جات سلبية من يومين أكيد هيكون عنده وقت يشارك فيه".

واختتم حسم حسن تصريحاته بالحديث عن عرض تدريب نادي بيراميدز قائلا : "أنا ملتزم مع نادي الاتحاد حتى لو فيه عرض رسمي أو حد كلمني من الفريق وأنا عقدي مع الاتحاد لمدة موسم، وبتشرف بوجودي في الاتحاد".