أحمد موسى: لا يوجد مشكلة فى ضياع الدورى.. «عندنا كتير»

علق الإعلامي أحمد موسى على فرص تتويج الفريق الأول لكرة القدم بنادي الأهلي ببطولة الدوري، هذا العام: لا توجد مشكلة في ضياع الدوري عندنا كتير.

وأضاف أحمد موسي، خلال تصريحات تليفزيونية، ببرنامج "علي مسئوليتي"، المذاع علي قناة “صدي البلد”: الأهلي حظوظه صعبة، عندنا فريق في المستشفى مش هيلعبوا حتى لنهاية الدوري والفريق بيلعب ماتش كل 7 ساعات مفيش تظبيط لجدول الدوري.

وتابع: جدول الدوري في أنه الأهلي يلعب النهاردة ويلعب بكرة ويلعب بعده واللعيبة مش بتروح البيت وبتخلص الماتش وبعدين تروح على المعسكر حتى المدرب مش عارف يعمل تدريبات ميقدرش يعمل ده أساسا معندوش لاعيبة ربنا يكرمه ويخلص الماتشات باللعيبة الموجودة هي دي حظوظ الأهلي السنة دي.

وأكمل: الأهلي لعب في إفريقيا ولعب كأس العالم للأندية محدش زي الفريق الأحمر اللاعب في النهاية بشر. وواصل: مين في الدوري المصري بيلعب زي نادي الأهلي الجدول اللي اتعمل يلعب ماتش ثم ماتش وبعد كده يجهز للطيران 6 أو 7 ساعات سفر ويروح يلعب وترجع تقول حد يساعدك مفيش حد هيساعدك.

واختتم: تم تأجيل كام مباراة للأهلي وبعدين لعبت المباريات المؤجلة وتقابل المقاولون العرب وبكرة هتقابل مين وهتخلص المؤجلات وكل ده والفريق مش مستفيد وغيره مستفيد.

وفاز الزمالك في الفوز علي بيراميدز، بثلاثة أهداف دون رد، في المباراة التي جمعتهما علي استاد القاهرة الدولي، في الأسبوع الـ28، ضمن منافسات الدوري المصري الممتاز.

بهذه النتيجة ارتفع رصيد الزمالك للنقطة 66 محتلا المركز الأول، بينما تجمد رصيد بيراميدز عند النقطة الـ59 محتلا المركز الثاني.