محمد مصيلحى: أنا تعبان بعد حادث مباراة السوبر.. وجميع الحالات التى أُصيبت خرجت من المستشفى

بكي محمد مصيلحي، رئيس نادي الاتحاد السكندري، علي الهواء بسبب أحداث مباراة فريقه والأهلي في سوبر السلة.

وشهدت مباراة الأهلي والاتحاد السكندري التي أقيمت علي صالة حسن مصطفي بمدينة السادس من أكتوبر، سقوط سور حديدي بأحد المدرجات ما تسبب في وقوع إصابات.

وقال محمد مصيلحي، خلال تصريحات تليفزيونية مع الإعلامي إبراهيم فايق ببرنامج "جمهور التالتة"، المذاع علي قناة "أون تايم سبورتس 2"، إن جميع الحالات التي أصيبت خرجت من المستشفي لكن حالة إسلام هي الوحيدة الموجودة حاليا في مستشفي مصر الدولي.

وتابع: ربنا يسترها علي الناس جميعا وأتمني أن إسلام يعدي من الموقف ده ويقوم بألف سلامة.

وأكمل: أنا تعبان من إمبارح ولازم جماهير الأهلي كلها تتعلم السلوكيات شوية، مفيش حاجة مستاهلة خالص.

وواصل: بقول للناس مفيش حاجة دائمة، العلاقات الإنسانية هي اللي دائمة، لازم ناخد درس من الموقف ده الكورة دي ولا حاجة.

واختتم: حابب أشكر جماهير ومسئولي نادي الأهلي ووزير الرياضة ووزير الصحة كله كان علي قد المسئولية.