ميدو ينتقد لاعبى الزمالك: «مفيش قائد.. والمركب هتغرق»
هاجم أحمد حسام ميدو، لاعبي الزمالك، بعد الهزيمة من فاركو بثلاثية نظيفة في الجولة السابعة عشرة من الدوري الممتاز هذا الموسم.
قال ميدو في تصريحات تليفزيونية: "لاعيبة الزمالك مينفعش تتشال من المسئولية الخاصة بخسارة الفريق أمام فاركو، لاعيبة الزمالك لما بتلاقي أعذار ومشاكل حول النادي، بيمسكوا فيها، وتبدأ النتائج تتراجع".
وأضاف: "فيه أصول في الكورة، ولازم كل واحد من لاعيبة الزمالك يتحمل مسئوليته، وبصراحة مفيش قائد في الملعب في الزمالك، عبدالشافي قائد لكن مش بيتكلم كتير وده معروف عن شخصيته بيأدي دوره بشكل مثال لكن مش بيتكلم مع اللاعيبة، النهاردة لاعيبة الزمالك بترمي على بعض".
وواصل: "كل لاعيبة الزمالك حاصلة على 25% من مستحقات هذا الموسم والكلام ده من أمير مرتضى نفسه والنسبة دي كويسة، يبقى كده لازم تدي الجمهور اللي بيتعب معاك حقه".
واختتم: "الناس لو فضلت تشاور على بعض وترمي على بعض المركب هتغرق لازم كل واحد يتحمل مسئولياته".
وتلقى الزمالك هزيمة من فاركو بنتيجة 3-0، في اللقاء الذي أقيم مساء الإثنين، ضمن مباريات الجولة الـ17 للدوري المصري الممتاز.
