ميدو: اللى شتم شيكابالا مبيحبش الأهلى.. وأناشد وزير الرياضة التدخل ووضع عقوبات رادعة

هاجم أحمد حسام ميدو بعض الجماهير التي قامت بسب محمود عبدالرازق شيكابالا، قائد الزمالك، خلال مواجهة الأهلي وفاركو في الدوري.

قال ميدو في تصريحات تليفزيونية: "عايز أعرف شيكابالا عملكم إيه عشان تشتموه في الوقت الحالي؟ كان فيه قصة قبل كدة وانتهت لكن إيه الداعي، إيه المرض ده!".

أضاف: "شيكابالا واحد من أحسن اللاعيبة اللي جات في تاريخ مصر لعبت كورة، سواء اتفقت أو اختلفت على شخصيته، وفي وقت أزمة نادي الأهلي وقت بورسعيد أول واحد مد إيده وأول واحد قال اتبرع.. بطلوا لعب عيال صغيرة".

واختتم: "أطالب وزير الشباب والرياضة بالاجتماع مع أساطير الأندية الشعبية لتوعية الجماهير، واللي شتم شيكابالا مش بيحب الأهلي ده بيضره، وافتكروا لما خسرتوا من الوداد خسرتوا جمهور مش كورة، بنرجع نعيط في الآخر".

ميدو ينفعل بعد سباب جماهير الأهلي لشيكابالا ويطالب بوضع عقوبات رادعة: "اللائحة تضحك!"

انتقد أحمد حسام ميدو سباب جماهير الأهلي لمحمود عبدالرازق شيكابالا، قائد فريق الكرة الأول بنادي الزمالك، خلال مواجهة الأهلي ضد فاركو في الدوري.

قال ميدو في تصريحاته تليفزيونية: "فوجئت بسب جمهور الأهلي لشيكابالا خلال مواجهة الأهلي وفاركو، والخطأ ليس من هؤلاء الشباب، ولكن الخطأ من عدم وجود لائحة عقوبات تعاقب الجماهير التي تقوم بهذه الأفعال".  

وأضاف: "لائحة رابطة الأندية بشأن السباب الجماعي تضحك، كيف تُغرم النادي 20 ألف جنيه فقط، بعد السباب الجماعي سواء للاعب أو لمحافظة أو لأي عنصر من عناصر اللعبة".

واختتم: "خايفين من إيه، اعملوا لائحة فيها عقوبات رادعة على الأندية، واحظروا المشجعين زي كل العالم 5 سنين وأكتر، دي بداية الاحتقان، وهل عايزين تكرروا مأساة بورسعيد تاني؟".