ميدو: سأدعم مجلس الزمالك فى هذه الحالة.. وهناك شياطين حول مرتضى وشيكابالا
أكد أحمد حسام ميدو أنه سيكون داعما لمجلس إدارة نادي الزمالك الحالي حال وجود حلول على أرض الواقع لحل أزمات النادي.
قال ميدو في تصريحاته عبر برنامج الريمونتادا على قناة المحور: "دعمت مجلس الزمالك عندما رأيت وجود حلول على أرض الواقع بدأت بالفعل تتنفذ، خاصة بعدما ذهب مرتضى منصور إلى اتحاد الكرة المصري وبدأ المجلس في التفكير في حلول لإيجاد أموال".
وأضاف: "سأدعم مجلس الزمالك الحالي حال رأيت أي حلول بالفعل يتم تنفيذها على أرض الواقع".
وعن أزمة مرتضى منصور وشيكابالا قال: "فيه شياطين حوالين الطرفين، بيحاولوا يستغلوا الوضع الحالي، لازم الأجواء تكون هادية".
أول تعليق من ميدو على أزمة شيكابالا مع مرتضى منصور
علق أحمد حسام ميدو على أزمة مرتضى منصور، رئيس نادي الزمالك السابق، مع محمود عبدالرازق شيكابالا، قائد فريق الكرة الأول بنادي الزمالك.
قال ميدو: "الزمالك عنده مشاكل كتيرة جدا الكل عارفها ومش محتاج مشاكل زيادة، حتى لو فيه مشكلة لازم نتجنبها دلوقتي لو من جوا النادي".
وأضاف: "الكلام اللي قاله مرتضى منصور فيما يخص شيكابالا مكانش وقته إنه يتقال، والبعض بيحاول يستغل الأزمة عشان يطلع ترند".
وواصل: "بطالب المستشار مرتضى منصور، أرجوك كفاية خناقات ومشاكل الزمالك مش محتاجها دلوقتي، فيه حاجات لازم تعديها، النادي بيمر بوقت صعب وكل الناس اللي عايشين في النادي عارفين ده".
واختتم: "مينفعش نزود المشاكل الخاصة بالنادي، وشيكابالا لا يستحق هذا الهجوم بكل صراحة، وشيكابالا ملوش أي ذنب في إن فيه فلوس متأخرة على سبورتنج لشبونة".
