الزمالك يكشف عن التفاصيل الأخيرة قبل مواجهة بطل جيبوتى

تحدث عبدالواحد السيد، مدير الكرة بنادي الزمالك، عن التفاصيل الأخيرة قبل مباراة الفريق الكروي الأول بنادي الأبيض أمام أرتا سولار، والمقرر إقامتها يوم الجمعة المقبل.

وقال عبدالواحد السيد في تصريحات لبرنامج الماتش مع الاعلامي هاني حتحوت: « فيه وعود من الناس اللي جايه في الانتخابات هيبقى فيه تدعيمات وتخطينا فترة صعبة».

وتابع: «ومحدش حاسس بها من الجمهور عدينا جزء كبير منها، لاعيبة الزمالك قادرة إنها ترد في الملعب».

وأضاف: «طبيعي الناس تكون قلقانة وتخطي عقبة أرتا سولار هترجع الثقة للاعيبة، معنديش مشكلة الفريق يخسر كرة وطالما فني مش هطلع أتكلم».
وواصل: «مش لازم أتخانق مع الحكام وأقف على الخط أتخانق دي مش شغلة مدير الكرة لازم نرتقي ونروح في حتة تانية».
واستكمل: «أوسوريو قالي تحب تتكلم في الفنيات وتتداخل معانا قولتله لا أبعدني عن النقطة دي، والنهاردة اجتمعت بأوسوريو والفترة الجاية الدنيا هتتغير، والجهاز المعاون من أكفأ العناصر».

وواصل: «عواد كان مصابا الفترة الماضية وهيكون له دور كبير جدا الفترة المقبلة والجهاز المعاون بيتكلم في كل النقاط لكن في النهاية القرار الأول والأخير للجهاز الفني، تركيز أسورويو مع والدته بسبب مرضها أثر عليه».
وأتم: «حاولنا نخلي التذكرة 40 جنيها لكن قالوا الحد الأدنى 60 جنيها وموحدة فمنفعش المحاولة».